Эрүүл мэндийн салбарыг хөгжүүлэх, хүн ардынхаа эрүүл мэндийг сахин хамгаалах үйлст үр бүтээлтэй ажиллаж, амжилт гаргаж бусдадаа үлгэр дууриалал үзүүлсэн “ШИЛДЭГ ЭМЧ” шалгаруулах “Алтан чагнуур” ёслол, хүндэтгэлийн үйл ажиллагаа өчигдөр боллоо. Энэ үеэр “МЭДРЭЛ СУДЛАЛ, СЭТГЭЦ СУДЛАЛ” салбараас СЭМҮТ-ийн дэд захирал  В.Баярмаа шагнал хүртсэн юм.Түүнтэй холбогдож баярын сэтгэгдлийг нь хуваалцлаа.

   Тэрбээр  “Алтан чагнуур” шагналыг авсандаа маш их баяртай байна. Эрүүл мэндийн салбарт  22 жил ажиллалаа. Энэ эрхэм хүндтэй шагнал цаашдын ажилд маань улам их урам, түлхэц өглөө. Энэ ганцхан миний биш нийт эрүүл мэндийн салбарт зүтгэж байгаа эмч, ажилчдын хөдөлмөр шингэсэн шагнал. Нийт  СЭМҮТ-ийн  21 аймаг есөн дүүрэгт хамтран зүтгэж байгаа эмч нартаа баярын мэнд хүргэе. Мөн хамт олондоо маш их баярлалаа. Төрүүлж өсгөсөн эцэг эх, хань, үр хүүхэд,эрдэмтэн багш, найзууддаа их баярлалаа” гэв.