Нийслэлийн Баянгол дүүргийн гуравдугаар хорооны нутагт кран унаж, замын байгууламж эвдсэн осол гарсан. Тус ослын талаар Мэргэжлийн хяналтын ерөнхий газрын Барилгын техникийн хяналтын улсын ахлан байцаагч П.Дашдаваа “Техникийн байдал, суурийн хөл шаардлага хангаагүй, краны хийц, эд ангийн гэмтлээс болсон гэж урьдчилсан байдлаар үзэж байна. Ослыг эд анги бүрээр нь нарийвчлан шалгаж байгаа. Ер нь кран угсарч байгаа аж ахуй нэгж байгууллага  техникийн бүрэн бүтэн байдлаа хангаж, үзлэг шалгалтыг тогтмол явуулж, хөдөлмөрийн аюулгүй байдлыг хангаж ажиллах нь чухал байна" гэв.