Польш Улсад иргэдийн орлого өсөж, согтууруулах ундааны үнэ буурсан нь  хэрэглээ өсөх шалтгаан болж байжээ. Иймд Засгийн газар нь согтууруулах ундааны онцгой албан татварыг 2003-2015 онд нэмж, шар айраг, дарсны татварыг нэг удаа, харин спиртийн татварыг гурван удаа нэмсэн байна.

  2020 оноос жижиг шилтэй буюу 300 мл-аас бага хэмжээтэй архины үнийг нэмж, нэмэлт татвар ногдуулах болжээ. Энэ нь архинд донтсон залуучууд, хүмүүсийн архидалттай тэмцэхэд үр дүнгээ өгнө гэж үзэж байна.

Хэрэглээ өсөх хандлагатай байгаа үед 300 мл-аас бага саванд худалдаж буй согтууруулах ундааны нэг литр тутамд 25 злотын нэмэлт төлбөртэй болсноор ийм хэмжээтэй архины хэрэглээ буурсан байна.

Хүн амынх нь 68 орчим хувь нь согтууруулах ундаа хэрэглэдэг. 15-19 насны залуучуудын дийлэнх буюу 63,5 хувь нь хэтрүүлэн хэрэглэдэг байна.