Өсвөр насны хүүхдүүд лифтэнд явсан иргэдийг бүлэглэн зодож, дээрэмдсэн хэрэг гарсан билээ. Тус хэргийн талаар ЦЕГ-ын мэргэжилтэн мэдээлэл өглөө. Тэрбээр “Сонгинохайрхан дүүргийн 16 дугаар хороонд байрлах орцны лифтэнд өчигдөр 23:00 цагийн үед этгээд бусдыг дээрэмдсэн” гэх мэдээлэл цагдаагийн байгууллагад ирсэн. Дуудлага, мэдээллийн дагуу шалгалтын ажиллагааг үргэлжлүүлэн шалгаж байгаа. Хэргийн хохирогч 48, 49 настай, харин үйлдсэн этгээд 13, 14, 15 настай дөрвөн хүүхэд байсныг тогтоосон. Одоогоор хохирлын хэмжээг эцэслэн тогтоогоогүй байна. Мөн хохирогч нарын биед учирсан гэмтлийн зэргийг тогтоолгохоор мэргэжлийн байгууллагуудад хандсан” гэлээ.