“KFC” түргэн хоолны газрын ажилтан бямба гарагт үйлчлүүлж байсан хүүхдүүдийг зодож, танхайрчээ. Тодруулбал, Хан-Уул дүүрэг дэх 15 дугаар хороонд байрлах “Хоум Плаза” салбарын “КFC” түргэн хоолны газарт өнгөрсөн бямба гарагт 15:00-15:30 цагийн үед өсвөр насны дөрвөн хүүхдийг хоорондоо ярилцаж инээхэд өөрийг нь “Шооллоо” хэмээн бодож тус газрын ажилтан хүүхдүүдийг цохиж, утасыг нь шидэж танхайрчээ. Уг асуудлаар хохирогч хүүхдүүдийн ар гэрийнхэн цагдаагийн байгууллагад гомдол гаргасан байна.

Ташрамд дурдахад, “KFC” түргэн хоолны газрын хоолны чанар, ажилтнуудын ёс зүйгүй харилцааны асуудал удаа дараа үүсэж байсан билээ.