Засгийн газрын хуралдаанаар Хөтөлийн цемент шохойн үйлдвэрийн хувьчлалыг хүчингүй болгосон тогтоол баталсан билээ. Ингэснээр тус үйлдвэр төрийн мэдэлд шилжиж байгаа юм. Тэгвэл Хөтөлийн цементийн үйлдвэрийн захирлаар эдийн засагч Л.Наранбаатарыг түр хугацаанд томилжээ. Тус үйлдвэрийг 2011 онд концессын гэрээгээр 10 жилийн хугацаатай хувьчилсан байдаг. Харин хувьчлал явуулахдаа хууль зөрчсөн гэж Засгийн газар үзсэн байгаа аж.

Л.НАРАНБААТАРЫН АЖИЛЛАСАН ТУРШЛАГА

 -2002 онд ШУТИС-ийн УУИС-ийг “Уул уурхайн үйлдвэрлэлийн удирдлага” мэргэжлээр бакалавр,

 -2007 онд Санхүү Эдийн Засгийн Дээд сургууль “Санхүүгийн менежмент” мэргэжлээр Бизнесийн удирдлагын магистр зэрэгтэй төгссөн.

 -Уул уурхайн үйлдвэрлэлийн удирдлагын мэргэшсэн инженер. Австрали Азийн Металлургийн институтын гишүүн.

-2008 оноос “Гложекс” ХХК, 2017 оноос “Гложекс Консалтинг” ХХК-ийн үүсгэн байгуулагч, ерөнхий Захирлаар ажиллаж байна.

Тэрбээр 2020 оны есдүгээр сард МАН-д элссэн. Тэрбээр тухайн үед "Улс эх орныхоо хөгжлийг түүчээлж, ачааны хүндийг үүрсээр ирсэн 100 жилийн түүхтэй, Монголын ууган намд гишүүнээр элсэж байна" хэмээн сэтгэгдлээ хуваалцсан байдаг.