"Мөнгөн мод 2021" наадмын ёслолын үйл ажиллагаа амжилттай болж, өчигдөр шилдгүүдээ тодруулсан юм.Тус наадмаас шилдэг тайз дэлгэцийн зураачаар шалгарсан “Шүүдэр” продакшны “Хотолун гүнж” болон "Орфей" театрын “Гэм зэм” жүжгийн зураач Л.Батбилэгтэй  холбогдож баярын сэтгэгдлийг нь хуваалцлаа.

Тэрбээр “Энэ удаагийн “Мөнгөн мод” шагнал гардуулах ёслол онцгой боллоо гэж бодож байна. Би өмнө нь 2019 онд нэр дэвшиж байсан. Өөрийн гэсэн наадмаа зохион байгуулж байгаа Соёлын яамны бүтээлч ажиллагаа гайхалтай санагдлаа, шударга боллоо. Миний бие энэ жил “Хотолун гүнж” кино “Гэм зэм” жүжгийн тавихад оролцлоо. Бид сонгодог жүжгийг пост драма болгосон нь үзэгчдэд их хүрч таашаалд нийцлээ. Мөнгөн мод наадмын шилдэг зураач болсондоо баяртай байна. “Гэм зэм” жүжгийг бид өөрсдийнхөө харах хэв маяг сэтгэлгээгээрээ гаргаж тавьсан. Нэр дэвшсэн “Шүүдэр” продакшны хамт олон, “Орфей" театрын ерөнхий найруулагч М.Батболд, Т.Ариунчимэг, Соёл урлагийн их сургуулийн хамт олон доо талархал илэрхийлмээр байна. Энэ шагнал зөвхөн нэг хүний шагнал биш, хамтран ажилсан бүх залуучууддаа баярлалаа.Мөнгөн мод шагнал цаашдаа илүү их уран бүтээл хийхэд түлхэц, урам боллоо” гэв.