"Мөнгөн мод 2021" наадмын ёслолын үйл ажиллагаа амжилттай болж, өчигдөр шилдгүүдээ тодруулсан юм.Тус наадмаас шилдэг хөгжимчнөөр шалгарсан Нийслэлийн Улаанбаатар театрын гоцлол хөгжимчин Б.Мягмарцэрэнтэй холбогдож баярын сэтгэгдлийг нь хуваалцалаа. 

     Тэрбээр “Өв соёлоо үлдээсэн ахмадууд, өвөг дээдэстээ  баярлалаа. Намайг “Мөнгөн мод” шагнал авах хүртэл дэмжиж уран бүтээлийн минь ард байсан Нийслэлийн Улаанбаатар театрын  хамт олон доо маш их баярлалаа. Бүгдэд нь амжилтын дээдийг хүсээд шагнал авсан, нэр дэвшсэн бүх хүнийг урлагийн Янжинлхам бурхан мөнхөд ивээх болтугай гэж хэлмээр байна. Төрүүлж өсгөсөн ээждээ, ханьдаа баярлалаа”гэсэн юм.