Төрийн орлогоос эргэн төлөх нөхцөлтэй, Хөгжлийн банк шууд санхүүжүүлсэн зээл нь  эрсдэлийн судалгаа хангалтгүй байгаагаас олгосон зээлүүдийн эргэн төлөлтөд хүндрэл , хоцрогдол үүсэж, зээлдэгч төлбөрийн чадваргүй болох эрсдэл өндөр байна.  УИХ болон Засгийн газрын холбогдох тогтоолын хүрээнд зээл олгогдож байгаа ч МУХБН-ны  тухай хуулийн 10.1 дэх заалтын шаардлагыг  хангахгүй зээлүүдийг олгохгүй байх, бүх нөхцөлийг бүрдүүлсний дараа олгох тал дээр Хөгжлийн банкны ТУЗ, Зээлийн хороо, Эрсдэлийн хороо хангалтгүй ажиллаж, зохих дүгнэлтүүдийг бодитоор хийхгүй байна. Түүнчлэн зээл олголтын явц, зээлүүдийн хуулийн дүгнэлтүүд бодит бус байна.

 

  Шалгасан зээлүүдээс “Монлаа” ХХК болон “Бээрэн” ХХК-д олгосон зээлүүд төлбөрийн  чадварын эрсдэлд орсон тул банк “Монлаа” ХХК-д олгосон зээлд үнэ цэнийн бууралт тооцон холбогдох эрсдэлийн санг байгуулсан байна.