Б.ЖАРГАЛСАЙХАН: Хөгжлийн банктай холбоотой 61 иргэний 664 үл хөдлөх хөрөнгийг битүүмжилж, 104 данс хаасан

2022-03-22, 472

Нийслэлийн Ерөнхий Прокурор Б.Жаргалсайхан өнөөдөр Хөгжлийн банктай холбоотой асуудлаар цаг үеийн мэдээлэл хуваалцлаа.

Тэрбээр “Хэвлэл мэдээллийн байгууллагуудын төлөөллүүдийг Монгол Улсын Ерөнхий Прокурор Ц.Ариунболд хүлээн авч уулзаж, Хөгжлийн банкны асуудалтай холбоотой мэдээллийг өгсөн. Түүний дагуу Хөгжлийн банктай холбоотой нөхцөл байдлын мэдээг танилцуулъя.

Хөгжлийн банктай холбоотой асуудал 2016 онд сөхөгдөж байсан. 2022 онд сэтгүүлчдийн гаргасан баримтуудын дагуу хууль хяналтын байгууллага мөрдөн шалгах үйл ажиллагааг зохион байгуулан ажиллаж байна.

Хөгжлийн банктай холбоотой 41 хэрэгт мөрдөн шалгах ажиллагаа хийгдэж байна. Энэ 41 хэрэгт 74 аж ахуйн нэгж шалгагдаж байна. Хоёр их наяд, 383 тэрбум төгрөгийн зээлийн олголт хууль эрх зүйн дагуу олгогдсон эсэх болон гэмт хэргийн шинж байна уу гэдгийг шалгаж байна. Нийтдээ 22 хүн тус хэрэгт холбогдон, шалгагдаж байна. Хэрэг бүртгэх ажиллагааны явцад нэг тэрбум 363 сая төгрөгийг эргэн төлүүлсэн байна. Үлдсэн нь хоёр их наяд, 275 тэрбум төгрөгийн төлөлт хийгдэх ёстой. Энэ төлөлт нь тухайн хэрэг мөрдөн байцаах явцад төлөгдөх ёстой.

Мөн тус банканд учирсан хохирлыг барагдуулах үүднээс хуулийн дагуу зарим нэгэн хязгаарлалтуудыг хийсэн. Тухайлбал 61 иргэний 664 үл хөдлөх хөрөнгийг битүүмжилж, 763 тээврийн хэрэгсэл, арилжааны банкнууд дахь 104 харилцах болон хадгаламжийн дансыг битүүмжлэн, хязгаарлаж 25 аж ахуйн нэгжийн хувьцааг арилжаалахыг зогсоосон.

Үлдсэн хоёр их наяд, 275 тэрбум төгрөгийн төлөлт хийгдэх ёстой. Энэ төлөлт нь тухайн хэрэг мөрдөн байцаах явцад төлөгдөх ёстой.

Нэг бэрхшээлтэй асуудал нь мөрдөх, прокурорын байгууллага шүүхээр гэм буруу нь тогтоогдоогүй тохиолдолд хэргийн хохирлыг төлүүлэх хууль зүйн боломж байдаггүй” гэлээ.

Б.ЖАРГАЛСАЙХАН: Хөгжлийн банктай холбоотой 61 иргэний 664 үл хөдлөх хөрөнгийг битүүмжилж, 104 данс хаасан

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.