УИХ дахь Ардчилсан намын бүлэг мэдээлэл өглөө. Энэ үеэр Д.Ганбат “Манайх бүлгийн хуралдаанаар хоёр асуудлын талаар хэлэлцсэн юм. Нэгдүгээрт, хяналт шалгалтын талаар тодруулж мэдээлэл авсан. Хоёрдугаарт, Хөгжлийн банкны түр хороо байгуулахтай холбоотой Хөгжлийн банкны асуудал өнөөгийн нөхцөл байдлын талаар мэдээлэл авсан. Хяналт шалгалтын хууль 2019 онд Монгол Улсын Үндсэн хуульд өөрчлөлт оруулсан парламентад сөрөг хүчин шаардлагын хэмжээнд хүргэж парламентаар хяналтаа сайжруулах боломж нээгдсэн. Хаврын чуулганаар анхны түр хороог байгуулах санал оруулахаар 5-6 гишүүн нэгдсэн. Хяналт шалгалтын хуулиар 19 гишүүн дэмжсэн. Хяналт шалгалтын түр хороог зөвхөн нэг асуудлаар байгуулна. Монгол Улсын парламент долоон чиглэлээр үйл ажиллагаа явуулах боломжтой” гэв.