“Отгонтэнгэр” Их Сургуулийн Сэтгүүл зүй  олон улсын харилцааны  тэнхимээс сэтгүүл зүйн чиглэлээр суралцаж байгаа нийт оюутнуудынхаа авьяас чадварыг нээн илрүүлэх, уран бүтээлч хандлагыг төлөвшүүлэх, онолын мэдлэгийг практик үйл ажиллагаатай холбох зорилгоор “БИ ЕРТӨНЦ” нийтлэл, нэвтрүүлгийн уралдааныг 2016-2017 оны хичээлийн жилээс ОТИС-ийн Сэтгүүл зүй хөтөлбөрөөр суралцагч оюутнуудын дунд зохион байгуулж ирсэн билээ. Энэ хичээлийн жилд “Тогтвортой хөгжлийн 17 зорилтын “ЭЭЛТЭЙ ХОТ, ИРГЭДИЙН ОРОЛЦОО” сэдвийн хүрээнд

Нэг. МУ-ын хэмжээнд Сэтгүүл зүй хөтөлбөрөөр суралцагч оюутнууд

Хоёр. Сэтгүүл зүй хөтөлбөрөөр элсэн суралцах хүсэлтэй ЕБС-ийн төгсөх ангийн сурагчид гэсэн хоёр ангиллаар явуулна.

Оюутны бүтээлийн чиглэл:

- Нийтлэл

- Телевизийн нэвтрүүлэг

- Радио нэвтрүүлэг

- Нийгмийн реклам

- Фото зураг гэсэн таван төрлөөр явуулна.

Сурагчдын бүтээлийн чиглэл

            - Эсээ

            - Фото зураг байна.

2022 оны дөрөвдүгээр сарын 22-ны өдрийг хүртэл ОТИС-ийн Хүмүүнлэгийн сургуулийн 202 тоот буюу Сэтгүүл зүй, олон улсын харилцааны тэнхимд хүлээн авах ажээ.

Уралдаанд ирүүлсэн бүтээлийг агуулга, утга санаа,  ур чадварын талаас нь сэтгүүл зүйн тэнхимийн багш нар болон туршлагатай сэтгүүлчдийн баг шүүн шалгаруулна. Шагналыг 2022 оны дөрөвдүгээр сарын 29-ний  өдөр гардуулах юм байна.

Оюутны бүтээл нь Гранпри- өргөмжлөл,  мөнгөн шагнал, ажлын байрны урилга

           Төрөл тус бүрээс шилдэг нэг бүтээлийг шалгаруулж, өргөмжлөл, мөнгөн шагнал, ажлын байрны урилгаар  шагнаж урамшуулна. Сурагчдын бүтээлээс эхний гурван байрыг шалгаруулж, өргөмжлөл, мөнгөн шагнал, ОТИС-ийн сэтгүүл зүй хөтөлбөрт хөнгөлөлттэй суралцах эрхийн бичгээр шагнах ажээ.