Засгийн газрын хуралдаанаас гарсан шийдвэрийг танилцууллаа.

     Энэ үеэр  Эрүүл мэндийн сайд С.Энхболд “Засгийн газраас эх хүүхэд, эмэгтэйчүүдийн чиглэл рүү тусламж үйлчилгээ үзүүлдэг эмнэлгүүдийг олон улсын жишигт хүргэх чиглэлийн дагуу хөрөнгө оруулалт хийгдэж байна. Өнгөрсөн олон улсын эмэгтэйчүүдийн эрхийг хамгаалах өдрөөр 2021 оны зургаадугаар сарын 1-нд өгсөн үүрэг чиглэлийн дагуу биелэлтийг газар дээр нь очиж шалгасан. Энэ ажлын хүрээнд улсын хэмжээнд эх барих тусламж үйлчилгээ үзүүлдэг төрөх эмнэлгүүдийн орыг 100% шинэчилсэн бодитой хөрөнгө оруулалт хийгдлээ. 2022 оны төсвөөс тодорхой “Хүрээ” амаржих газрын барилгын төсвийг шийдсэн, мөн ЭХЭМҮТ-ийн барилгад засвар хийнэ. Түүнээс гадна Томуу, томуу төст өвчний  тандалтыг 21 аймагт  хийх боломжтой болсон. Жилд 52 долоо хоног байдгаас томуу, томуу төст өвчлөл нь 25 орчим долоо хоногт нь  үргэлжилж оргил үе нь 5-7 хоног байдаг.  Хамгийн өндөр өвчлөлтэй жил нь 2019-2020 онд 19 долоо хоног үргэлжилсэн. Энэ жилийн хувьд эхэлсэн сараас эхлэн томуу томуу төст өвчин бүртгэгдэж эхэлсэн. Томуугийн дэгдэлтийг ногоон, шар, улбар шар, улаан, ягаан гэсэн таван түвшинд хуваадаг. Монгол Улсын хувьд идэвхжилийн үед байгаа зургаан аймаг, дэгдэлтийн түвшинд арванхоёр аймаг байна. Жилдээ энэ өвчнөөр нийт 120-130 мянган хүүхэд өвддөг. Нийслэлийн есөн дүүргийн хэмжээнд эмнэлгүүдийг урсгасан цагаар ажиллуулж, нэмэлт ор дэлгэж байршуулж байгаа” гэлээ.