Нийслэлийн 97 дугаар сургуулийн хоёрдугаар ангийн багш н.Цэрэнбадам сурагчаа тэгш бичээгүй гэсэн шалтгаанаар гар хүрсэн талаараа тайлбар өглөө.

          Тэрбээр “ Би өглөө ажил дээрээ 07:00 цагт ирдэг. Тухайнсурачийн гэр хол учраас надтай адилхан цагт сургуульдаа ирдэг. Өглөө ирээд хичээл эхлэх хүртэл сурагчийнхаа даалгавар шалгах, хүрд, цээжлүүлсэн шүлэг асуух зэргээр бэлтгэж, хамт байдаг. Өчигдөр монгол хэлний хичээл 10:00 цагт орсон. Хичээл хийж байхад үед муухай бичсэн байсан учраас “Цэвэрхэн бич” гээд юм бичдэг гар руу нь тоншсон. Орой 22:05 минут болж байхад ээж нь утсаар холбогдоод “Манай хүүхдийг зодсон байна” гэсэн. Би ээжээс нь уучлалт хүсээд гэрт нь очиж, хамт эмнэлэг явж, хүүхдийг нь үзүүлэх санал тавьсан. Ээж нь “Манайх хол, орой болсон байна” гэсэн шалтгаанаар зөвшөөрөөгүй. Эцэг, эх нь сая уулзсан  хүүхдийн гарын  хавдар нь буурсан, “Ийм том асуудал болно гэж бодолгүйгээр олон нийтийн сүлжээнд зураг байршуулсан, уучлаарай” гэж хэсэн. Охин таван буудлаас явдаг. Өглөө 07:00 цагт сургууль дээр ирсэн байдаг учраас тухайн хүүхдийн эрүүл мэндийг бодоод өвлийн улиралд өөрт ойрхон харьяаллын сургуульд шилжиж очих саналыг эцэг, эхэд нь тавьж байсан.  Сургуулийн удирдлагууд өчигдөр орой тухайн зураг тавигдсаны дараа утсаар холбогдсон, мэдээж ийм асуудал гарсан учраас надад тодорхой хэмжээний арга хэмжээ авах байх, одоохондоо надад сургуулийн захиргаанаас тодорхой чиглэл өгөөгүй байна. Охин маргааш хичээлдээ ирж суухаар болсон” гэлээ.