Манай улсад менингококкийн халдвар их байгаа учир орон нутгийн зарим цэцэрлэгийн үйл ажиллагааг түр зогсоох шийдвэр гаргасан. Тухайлбал, энэ сарын 14-28-ныг  хүртэл Орхон аймгийн цэцэрлэгийн үйл ажиллагааг зогсоох тухай шийдвэр гарсан байна. Учир нь тус аймгийн хэмжээнд нийт өвчлөлийн 16 хувийг бага насны хүүхдүүдийн томуу томуу төст өвчлөл эзэлж, 50 ортой хүүхдийн эмнэлэгт 262 хүүхэд хэвтэн эмчлүүлж байгаа билээ. Цаашид улсын хэмжээнд бүх цэцэрлэгт хөл хорио тогтоох эсэх талаар Боловсрол шинжлэх ухааны яамны мэргэжилтнээс тодрууллаа. Тэрбээр “Улсын хэмжээнд хоёр цэцэрлэг хөл хорио тогтоосон. Харин яамнаас улсын хэмжээнд бүх цэцэрлэгт хөл хорио тогтоох тухай ярилцаж, хэлэлцээгүй байна” гэлээ.