Хаврын чуулганы нээлтийн үеэр УИХ-ын гишүүн Г.Дамдинням “No war, Yes peace” хэмээн бичсэн лоозон барьж, оролцжээ. Тодруулбал, чуулган завсарласан үед Орос, Украины хооронд асуудал үүсэж, одоог хүртэл байлдааны үйл ажиллагаа үргэлжилж байгаа билээ. Тус асуудлыг НҮБ-ын гишүүн орнууд үгүйсгэж, олон улсын зүгээс ОХУ-д хориг тавьж буй. Гэвч өнгөрсөн хугацаанд манай улсын зүгээс ОХУ, Украины асуудалд ямар нэгэн албан ёсны байр суурь илэрхийлээгүй боловч УИХ-ын гишүүн Г.Дамдинням дайныг эсэргүүцсэн лоозон барьж, чуулганы нээлтэд  оролцсон нь олны анхаарлыг татаж буй юм.