Монгол Улсын хаврын ээлжит чуулган нээлтээ хийж байна. Энэ УИХ-ын дарга Г.Занданшатар “Коронавирусийн халдварын дөрөв дэх давлагаа саарч, иргэд хэвийн амьдралын горимд шилжиж байгаа энэ үед Шинэ сэргэлтийн бодлогоо эрчимтэй хэрэгжүүлэх боломж бүрдлээ. Гэвч халдварын шинэ хувилбар дахин дэгдэхийг анхаарч ажиллах хэрэгтэй. Цар тахлын дараах шинэ сэргэлтийн бодлогоо тууштай хэрэгжүүлэхийн төлөө төр хувийн хэвшилтэй хамтран ажиллах цаг эхэлжээ. Нэгдүгээрт, цар тахлын нөхцөл байдал сайжирч байгаа ч олон улсын байдал хурцадмал болж, олон эрсдэлийг өдөөж байна. Энэ үед бид оюун санаа үнэт зүйлийн эв нэгдэлтэй байх нь чухал. Мэдээллийн дайны энэ үед мэдэхгүйн зовлонд нэрвэгдэж, нийтийн эрх ашгийг зөрчиж болохгүй. Монгол Улсын эдийн засаг урьдчилсан гүйцэтгэлээр 1.4 хувийн өсөлттэй гарсан нь олон улсын эдийн засаг болон дотоодын мэргэжлийн байгууллуудын төсөөллөөс бага байлаа. Гадаад орчны нөлөөллөөс шалтгаалж экспорт буурсан нь эдийн засагт зарим хүндрэлийг бий болгож байна. Энэ оны эхний хоёр сарын байдлаар төмрийн хүдрээс бусад уул уурхайн бүтээгдэхүүний үйлдвэрлэл 13-97 хувиар буурч, төлбөрийн тэнцэл 2022 оны нэгдүгээр сард 340 сая ам. долларын алдагдалтай гарлаа. Үнийн өсөлт эрчимжиж байна. Зарим бараа бүтээгдэхүүний хомсдол, ханшийн уналт зэрэг нь манай улсын эдийн засагт сөрөг нөлөө үзүүлж болзошгүй учир эдийн засгийг зөв удирдаг шаардлагатай байна. Үнийн өсөлтийг хязгаарлаж, дараах асуудлуудыг даруй анхаарах шаардлагатай байна. Үүнд өргөн хэрэглээний болон стратегийн ач холбогдолтой бараа бүтээгдэхүүний нийлүүлэлтийг тогтвортой хангах нийлүүлэлтийн эх үүсвэрийг төрөлжүүлэх арга хэмжээ авч үнийн өсөлтийг бууруулах импорт, экспортын үндэсний үйлдвэрлэлийг бүх талаас дэмжих, зээл, төсөв төрийн бодлогыг яаралтай хэрэгжүүлэх хэрэгтэй. Ирэх жилүүдэд Монгол Улсын гадаад өрийг дахин санхүүжүүлэх бодлого дэмжиж байгаа тул УИХ-аар яаралтай баталж, шинэчлэх, эдийн засгийн уналтаас сэргийлж боомтын хүчин чадал, экспортыг нэмэгдүүлэх ажлаа эрчимжүүлэх, үнийн өсөлт, нийгмийн эмзэг бүлэгт эдийн засаг хүндээр тусах тул нийгмийн халамжийн бодлогоо зорилтод бүлэгт чиглүүлэх нь чухал байна” гэв.