Гаалийн Ерөнхий газраас өнөөдөр цаг үеийн асуудлаар мэдээлэл хийлээ.

   Энэ үеэр Хуулийн хэлтсийн ахлах байцаагч Ч.Тамираа “Гаалийн тухай хуульд гаалийн тариф, гаалийн татварын тухай хууль гэсэн хоёр үндсэн хууль манай үйл ажиллагаанд үйлчилдэг. Тухайн бараагаа улсын хилээр нэврүүлэхдээ гаальдаа үнэн зөв мэдүүлж, тухайн барааныхаа гаалийн үнээс татвараа төлөөд явдаг. Хэрэв гаальд мэдүүлээгүй бол эсвэл нууж, хэлбэр дүрсийг нь өөрчилсөн бол эсвэл гаалийн хяналт шалгалтаас зугтсан бол зөрчлийн тухай хуулийн дагуу арга хэмжээ авна. Ингэхдээ тухайн барааны татварыг хуульд заасан хэмжээгээрээ төлүүлээд, төлүүлж байгаа татварын 50 хувиар торгуул ногдуулах  эрхзүйн зохицуулалт бий. Гэхдээ энэ бол иргэн, аж ахуйн нэгж болгон дээр гардаг асуудал биш. Иргэн үнэн зөв ачаа, бараагаа мэдүүлсэн бол тэр хувь хэмжээгээрээ татвараа төлсөн бол хүндрэл учрахгүйгээр гаалинй үйл ажиллагаа хурдан шуурхай явна. Өнөөдөр иргэнийг өөрийг нь байлгаж байгаад ачаа барааг нь үзнэ гэсэн одоогоор ирээгүй байна. Эсвэл ирэхээс татгалзаад, эсвэл тодорхой шалтгаан дурдаад ирэхгүй байх нөхцөл байдал үүсэж байгаа учир тодорхой хугацаанд шалгалт хойшлоод байна. Чингис хаан олон улсын нисэх онгоцны буудал дээр байгаа тоног төхөөрөмжүүд маань гаалийн үйл ажиллагаанд хэрэглэгдэж байгаа тоног төхөөрөмж, ухаалаг хяналт шалгалтын тоног төхөөрөмж бүрэн ажиллаж байгаа. Хар тамхи болон органик, органик бус тоног төхөөрөмж бүрэн ажиллаж байгаа” гэв.