Ховд аймгийн Жаргалант сумын Цамбагарав багт 50 ортой хүүхдийн эмнэлгийг таван тэрбумаар барьсан боловч шал, тааз нь эвдэрсэн тухай зурагт мэдээлэл цахим орчинд цацагдаж буй. Энэ талаар Ховд аймгийн ИТХ-ын дарга Г.Пүрэвгандаас тодрууллаа. Тэрбээр “Цахим сүлжээгээр цацагдаж буй зураг 2019, 2020 оны зураг байсан. Тухайн үед засвар үйлчилгээ хийж байгаад коронавирусийн халдварын улмаас засвараа түр завсарласан байсан. Гэвч коронавирусийн халдвараар өвчилсөн иргэд нэмэгдсэн учир яаралтай ор дэлгэж өвчтөнүүдээ тусгаарласан. Эмнэлгийн засвар үйлчилгээг үргэлжлүүлэн хийж энэ сардаа ашиглалтад оруулна” гэлээ.