Монголын үндэсний бөхийн холбооны Цэцдийн зөвлөлийн 2022 оны нэгдүгээр сарын 08-ны өдрийн хурлаар Цэцдийн зөвлөлийн гишүүдийн баталсан бөхийн өмсгөл нь дараах шаардлагад нийцсэн байна. 

•  Зодогны өнгө ба дотор давхарлага хийснийг авах,
• Ширээсийг мяндас утсаар давхарлаж ширснийг авах,
• Элэг бүс 1.5 см голчоос багагүй байна,
• Зодогны ирмэгээр утас гүйлгэж, давхарлаж оёсныг авах,
• Зодогны ширээс  найман см хүртэл өргөнтэй 17 хүртэл ширээстэй байна (илүүг авах),
•  Зодогны танаасыг барьц барих мөр, суганд хийснийг авч, барьц барихгүй хэсэгт хийх,
•  Шуудагны ширээсийн тоо таваас илүүгүй байх (илүүг авах),
•  Шуудагны ташаанд нэмэлт ширээс хийснийг авах,
•  Шуудагны уяа 0.8 см голчтой байх.
• Уутан зодог эгэм рүү орохгүй зөвхөн мөрний шонтон ясыг дарсан байна.

Дээрх шаардлагыг гуравдугаар сарын 12-ны өдрийн барилдаанаас эхлэн тавих бөгөөд 2022 он тавдугаар сарын 29-ний өдрийн барилдаанаар дуусгавар болгоно. Заагдсан хугацаанд шаардлага хангаагүй өмсгөлтэй бөхийг 2022 оны зургаадугаар сарын 05-ны өдрөөс Монгол бөхийн өргөө болон аймаг сум, орон нутагт болох барилдаанд оролцуулах боломжгүй болох юм.