Эргэлт.мн мэдээллийн сайт энэ удаад видео сэтгүүл гэж нэрлэгдэж буй Tiktok аппликайшны Монгол дахь хамгийн олон дагагчтай арван эрхмийг онцолж байна. Нийгэмд өрнөж буй асуудлыг энгийн, ойлгомжтойгоор олон хүнд хүргэдэгээрээ тус аппликайшн онцлог билээ.

1. Ponyo&Vjee 490 мянган дагагчтай. Boomerang mongolia видео контент бүтээгч залуусын багт харьяалагддаг, ихэр эгч дүүс юм. Усны дусал мэт адилхан тэднийг тодотгодог зүйл нь эгдүүтэй царай, сонирхолтой бичлэгүүд нь билээ.

2. Otgoo_kiro 484 мянган дагагчтай. Түүнийг Б.Отгонжаргал гэдэг. Мөн Boomerang mongolia видео контент бүтээгч залуусын багт харьяалагддаг. Өөрийн гэсэн өнгө төрх, үзэл бодлоороо ялгарч  олон танигдсан залуу уран бүтээлч юм.

3.  _gna__ 482 мянган дагагчтай. Түүнийг Гансүхийн Гансувд гэдэг. Өөрийн гэсэн өвөрмөц бичлэгүүдийг байршуулдаг. Видео эвлүүлэг нь бусдаас шинэлэг байдаг.

4. Jamiiaaa 412 мянган дагачтай. Boomerang mongolia видео контент бүтээгч залуусын нэг. Хөгжилтэй яриа, хошин байдлаар олон эерэг зүйлийг бусдад ойлгуулж чаддаг. Залуу уран бүтээлч.

5. Tengicc 370 мянган дагагчтай. Tiktok-д хөгжилтэй, марзан видеог байршуулдаг. Өөрийн илэрхийлж буй санааг видеогоор дамжуулж хүргэдэг. Тiktok-г ашиглан олон залууст нөлөөлж чаддаг нэгэн юм.

                                                                                                                                                                                                                                                      6. Sukh_bt 350 мянган дагачтай. Boomerang mongolia видео контент бүтээгч залуусын нэг Мөн найз охинтойгоо хамтран влог хийж, хөгжилтэй видеог тасралтгүй оруулдаг тиктокчин юм.

7. Ujinbuyanjargal 335 мянган дагагчтай. Түүнийг Б.Үжин гэдэг.  Залуу жүжигчин гэдгээрээ олон танигдсан нэгэн юм.Хийж видео нь өөрийнх нь гоо үзэсгэлэнг илүү тодотгож, авьяаслаг гэдгийг бататган харуулдаг. Мөн найзуудтайгаа хамтран олон сонирхолтой контетуудыг цахим орчинд байршуулдаг билээ.

8. Undrrly 329 мянган дагагчтай. Түүнийг Ү.Ундрал гэдэг. Favway охидын цахим контент бүтээгчдийн нэг, залуу жүжигчин юм. Өөрийн авьяас чадварыг харуулсан видеог байршуулдаг. Түүнийг тодотгох зүйл нь эгдүүтэй царай, ямар ч дүрд хувирч чаддаг чадвар нь юм.

9. Babimgl 318 мянган дагагчтай. Boomerang mongolia видео контент бүтээгчдийн үүсгэн байгуулагч. Нийгэмд болж буй олон асуудлыг богино видеогоор дамжуулж, ойлгуулж чаддаг авьяаслаг нэгэн. Мөн Тикток хийдэг залуусыг нэгтгэж, нэг баг болгож чадсан удирдагч гэж нэрлэж болох юм.

10. Onon Oonoo 290 мянган дагагчтай. Жүжигчин Н.Онон, эмэгтэй  хүний дүрийг гайхалтай  амилуулдаг нэгэн.  Зөвхөн жүжиглэхээс илүү цахим аппликайшныг сайн ашиглаж чаддаг нэгэн билээ. Өөрийн гэсэн хөгжилтэй байдлаараа  олныг татаж буй залуу уран бүтээлч юм.