NBA-ийн тамирчин болохоор хичээж яваа Ш.Энхийн-Од Америкийн оюутны спортын холбоо (NCAA)-ны дээд лигт урилгаар тоглосон Монголын анхны тамирчин болсон билээ.

  “Дэйтон”-ы их сургуулийн багт тоглож буй тэрбээр “Nike” компаниас зохион байгуулдаг “Nike hoop summit” шоу тоглолтод оролцох 12 тамирчны нэгт багтжээ.

  Хамгийн алдартай өсвөрийн сагсчдын бүх оддын тоглолт гэж хэлж болохуйц "Nike hoop summit" шоу тоглолт 2 жил завсарласны эцэст Nike компаниас 2022 онд дахин зохион байгуулах гэж байна.

  Тус тоглолтод АНУ, Дэлхийн баг тамирчид хоорондоо өрсөлдөнө. Ингэснээр Ш.Энхийн-Од дэлхийн багт өрсөлдөн,  америк шилдгүүдийн эсрэг тоглохоор болжээ. Тоглолт дөрөвдүгээр сарын 8-нд Портланд хотод болно.