• Өнөөдөр 2025-05-07

Мэдээллийн технологийн боловсрол, Аутсорсингийн төв байгуулахаар болжээ

2022-03-10,   454

  Боловсрол, шинжлэх ухааны Дэд сайд Г.Ганбаяр, Бүгд Найрамдах Энэтхэг улсаас Монгол улсад суугаа Онц бөгөөд Бүрэн Эрхт элчин сайд М.П. Сингх болон холбогдох албаны хүмүүсийг хүлээн авч уулзжээ.

   Уулзалтаар Монгол улс, Бүгд Найрамдах Энэтхэг улстай боловсролын салбарт хамтран хэрэгжүүлж буй БНЭУ-ын хөнгөлөлттэй зээлийн хүрээнд БЗД-ийн ХХII -р хорооны нутаг дэвсгэрт баригдах Атал Бахари Важпайн нэрэмжит Мэдээллийн технологийн боловсрол, Аутсорсингийн төвийн байгуулах ажлыг эрчимжүүлэх асуудлаар байр сууриа илэрхийлжээ.
 
  Уг төв ашиглалтад орсноор олон улсын түвшинд үнэлэгдэхүйц мэргэжлийн өндөр ур чадвартай мэдээллийн технологийн мэргэжилтнүүд бэлтгэгдэж, гадаад аутсорсингийг хөгжүүлэх олон талын ач холбогдолтой юм.
 
  Төслийн ажлыг эрчимжүүлэх зорилгоор БШУЯ , ШУТИС-ийн МХТС-ийн холбогдох мэргэжилтнүүдээс бүрдсэн төсөл хэрэгжүүлэх нэгж байгуулахаар ажиллаж байна. Ингэснээр төслийн үйл ажиллагаа, хэрэгжилт илүү үр дүнтэй болно гэж найдаж байгаагаа дэд сайд хэллээ.
 
  Уулзалтын төгсгөлд Энэтхэгийн ЗГ-ын буцалтгүй тусламжаар баригдах Монгол-Энэтхэгийн Найрамдал ЕБС байгуулах ажлыг эрчимжүүлэхэд чармайлт гарган ажиллахыг БНЭУ-аас Монгол улсад суугаа Элчин сайд М.П. Сингхээс хүслээ гэж Боловсрол, шинжлэх ухааны яамнаас мэдээллээ.

Мэдээллийн технологийн боловсрол, Аутсорсингийн төв байгуулахаар болжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.