Хөгжлийн банкны чанаргүй зээлтэй холбоотойгоор тус банкны үе үеийн удирдлагуудыг АТГ-аас шалгаж эхэлсэн билээ. Мөн хэд хэдэн хүнийг цагдан хориод байгаа юм. Тодруулбал, тус банкны дэд захирал асан Б.Чойжилжалбууг хоёрдугаар сарын 21-ний өдрөөс эхлэн 15 хоногийн хугацаатайгаар цагдан хорих шийдвэрийг шүүхээс гаргасан байдаг. Түүний цагдан хорих хугацаа өчигдөр дуусах байсан ч дахин 15 хоногоор сунгах шийдвэр гарчээ.

Яллагдагч Б.Чойжилжалбууг Эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1 дэх хэсгийн 1.2 дахь заалтад зааснаар гэрчийг дарамталж, сүрдүүлсэн нөхцөл байдал тогтоогдсон тул 15 хоногийн хугацаанд цагдан хорих шийдвэр гарсан билээ. Тэгвэл мөрдөн шалгах ажиллагааны явцад Б.Чойжилжалбуу нь эрх мэдэл, албан тушаалын байдлаа урвуулан ашиглаж,  бусдаас их хэмжээний авлига авсан нөхцөл байдал тогтоогдсон учир цагдан хорих хугацааг 15 хоногоор дахин сунгажээ. Тодруулбал, тэрбээр Хөгжлийн банкны дэд захирлаар ажиллаж байх хугацаандаа УИХ-ын гишүүн асан Б.Ундармаагийн нөхөр “Капитал” банкны гүйцэтгэх захирал А.Ариунболдоос авлига авсан нөхцөл байдал шинээр тогтоогджээ.

Цагдан хоригдоод буй Хөгжлийн банкны дэд захирал асан Б.Чойжилжалбуугийн хөрөнгө орлогыг танилцуулж байна.

Нийт орлого: 131.352.000 төгрөг

Гэр бүлийн орлого: 14.537.000 төгрөг

Нийтийн орон сууц: Хоёр

Зуслангийн байшин: Нэг

Авто зогсоол: Гурав

Орон сууц, барилга байгууламж нийт дүн: 719.578.000 төгрөг

Тээврийн хэрэгсэл: Жийп болон туулах чадвар өндөр,Mercedes Benz, G 500 - 1

Тээврийн хэрэгсэл нийт дүн: 450.000.000 төгрөг

Газар: Эзэмших-1040м2-1, Эзэмших-700м2-3, Эзэмших-500 м2-1, Эзэмших-700 м2-2

Газар нийт дүн: 165,000,000 төгрөг

Үнэт эдлэл, урлаг, түүхийн үнэт зүйл нийт дүн: 370.000.000 төгрөг

Дотоодын банк, санхүүгийн байгууллагад байрлах хадгаламж, данс, мөнгөн хөрөнгийн нийт дүн: 275.186.000 төгрөг

Авлага нийт дүн: 445.577.000 төгрөг

Зээл: Төрийн банк, Голомт банк, Д.Бүдрагчаа, голомт

Зээл нийт дүн: 370.000.000 төгрөг

Хөрөнгө оруулалт: Марс гранд ХХК, Еврохаус ХХК, Архангай аймгийн залуучууд оюутаны төв ХХК (50000ш)

Хөрөнгө оруулалт нийт дүн: 514.000 төгрөг