Залуусын хамгийн түгээмэл ашиглаж байгаа аппликейшний нэг бол инстаграм. Хэрэглэхэд хялбар бөгөөд дотроо олон төрлийн хэрэглэгдэхүүнийг багтаасан энэ аппликейшнийг ашиглаж  хүмүүс нэгэнтэйгээ харилцаж, мэдээлэл олж авдаг. Инстаграм  бол нэг зураг, цөөн секундэд өөрийн өгөх  гэсэн бүх мэдээллийг багтааж, чанартай хийж  илүү олон хүлээн авдаг шалгуур өндөртэй ертөнц юм. Тэгвэл уншигч танд Монголын хамгийн үр өгөөжтэй инстаграм хаягуудыг санал болгож байна.

Huurhun_edu

Дуртай киноныхоо алдартай эшлэлээр дамжуулан хэл сурвал догь биз дээ.  Энэ боломжийг тус аккаунт олгож байна.  Солонгос ,Англи, Монгол хэлэн дээр таны дуртай үгийг  орчуулан хүргэдэг юм.

Entrepreneurnote

Та эндээс алдартай хүмүүсийн хэлсэн урмын үгийн унших боломжтой. Энд эерэг бодол, урагшлах тэмүүлэлд тань дэмжлэг болох үгс байгаа гэдэгт итгэлтэй байна.

Astrology.mn

Та юуны орд вэ. Өдөр болгон хардаг энгийн зурхай бус таны ч мэдэхгүй ордны тань олон нууцыг эндээс маш ойлгомжтой байдлаар унших боломжтой юм.

Ugtseejleh

Хэл сурах гэж жижиг дэвтэр дээр бичиж явдаг байсан үе ард хоцорчээ. Өдөр бүр танд зориулж амьдралд хэрэг болох шинэ үгийг дуудлага, галиг, жишээ үгийн хамтаар нэгэн цогц болгон оруулдаг. Мөн түүх хэсгээр зочилсноор цээжилсэн үгээрээ бага хэмжээний шалгалт өгч өөрийгөө сорьж болно.

Bodol.medremj.dursamj

Заримдаа өөрийн мэдрэмжээ хүнд амаар хэлэх бус бичгээр илэрхийлэхийг хүсдэг. Тэгвэл яг таны мэдрэмжийг энд хамгийн энгийн үгээр бичсэн байдаг. Энэ аккаунт  дээр зураг болон бичлэгийг эмх цэгц сайтайгаар байрлуулсан байдаг.

Sexual.educatio_n

Бэлгийн боловсролын талаар анхан шатны зөвлөгөө мэдээлэл авч болох хуудас. Найзаасаа эсвэл олон нийтийн сүлжээнээс өөрийн асуудлаа хайх бус  ийшээ хандвал анхан шатны хариултаа авч чадна.

366_days_of_her

Та сэтгэл хөдөлгөм гэрэл зурагт дуртай бол энэ хуудас танд зориулагджээ. Хар цагаан зургаар олон мэдрэмжийг танд өгөх болно.

Beltgel_ba_hoollolt

Таныг  эрүүл хооллолт,зөв дасгал хөдөлгөөн хийхэд  туслах газар юм. Бидэнд  дэглэм барилт, булчингийн хөгжлийн талаар ойлгомжтой байдлаар тайлбарлаж өгнө.

Lemonpress.mn

Энэ хаягийг дагахад л инстаграм орох бүрд чинь эдийн засаг, зах зээлийн мэдээллийн цогцоор ганц зургаар  танд хүргэж чадна.

Xuurtsag

Заримдаа ямар дуу сонсохоо мэдэхгүй үе байдаг шүүдээ. Хуурцаг танд төрөл бүрийн дууны жагсаалт гаргаж, дууны хэсэгээс сонсгох болно.