Сүхбаатарын талбай дээр худалдаа эрхлэгч эмэгтэйчүүд өнөөдөр нүцгэн жагсаал хийж байна.

   Энэ үеэр жагсагч "Монголын худалдаачдын холбоо төрийн бус байгууллагаас худалдаа эрхлэгч ээжүүдийнхээ эрх ашгийг хамгаалж, өнөөдөр хагас нүцгэн жагсаалыг зохион байгуулж байна. Хөгжлийн банк, ЖДҮ, арван их наяд гээд бүгдээрээ бага хувийн хүүтэй зээл аваад байна. Гэтэл бүгдээрээ банк бусаар дамжуулан мөнгө хүүлээд байна. Үйлчилгээний салбар болон худалдаа эрхлэгчид бүгд жилд 160-360 хувийн хүүтэй зээлэнд дарлуулж байна. Өнөөдөр талбай дээр бид хүнд зүйл өргөж явж байгаа шигээ амьдарч байна. Худалдаа үйлчилгээний салбарынхныг төр 32 жил хаячихсан байна. Бидэнд хууль хэрэгтэй байна, худалдаачдыг дэмжих сан хэрэгтэй байна, биднийг өнөөдөр эрхзүйн орчинг бүрдүүлж өгөөгүй байж яагаад төр дарамтлаад байдаг юм. Төр өнөөдөр авахаа мэддэг татвар, түрээс гээд авна. Өнөөдөр бид мөнгөний машин болсон байна" гэв.