Олон улсын эмэгтэйчүүдийн эрхийг хамгаалах өдрийг тохиолдуулан гэр бүлээрээ найман киног уншигч танд хүргэж байна.

Room (2015)

Өсвөр насандаа хүнд хулгайлагдаж жижиг өрөөнд хоригдон амьдарсан охин. Хүүгээ төрүүлсэн ч тэр жижигхэн өрөөнөөсөө гарч чадсангүй.Төрснөөсөө хойш таван жил хоригдсон хүү ээжтэйгээ хамт чөлөөг хайн тэмцэж байгаа тухай гарах кино танд амьдралын төлөө тэмцэх  итгэлийг хайрлах биз ээ.

Mother (2009)

Сэтгэцийн асуудалтай ганц хүү нь хүн амины хэрэгт гүтгэгдэхэд цагдаа нарын буруу гэдгийг батлахын тулд ганцаар бүгдийн, хуулийн эсрэг махран зүтгэж буй эх хүний сэтгэлийг та уг киноноос мэдэрч чадна.

The devil wears prada (2006)

Энэхүү киноноос өрсөлдөөн дунд хүн хэрхэн өсөж хөгжиж байгаа, тоомжиргүй гарсан алдаа ямар их үр дагавар гаргаж байгааг хөгжилтэй хэрнэ сургамжтай байдлаар харуулсан юм.

Eat,Pray,Love (2010)

Гол дүрийн эмэгтэйд хүн бүрийн хүсдэг зүйлс бүгд байгаа. Амжилт, эд хөрөнгө, алдар нэр гэвч бүсгүй өөрийгөө ямар ч аз жаргалгүй байгаагаар мэдэрч өөрийгөө олохоор дэлхийг тойрсон аялалд гарна.

The Help (2011)

Америк оронд арьс өнгөний үзэл ноёлж байсан тэртээ 1960-аад оны үед хар ба цагаан арьст бүсгүйчүүд хэрхэн амьдарч байгааг харуулсан бүтээл юм. Цагаан арьст бүсгүй Скийтер, дөнгөж их сургуулиа төгсөж ирээд зохиолч болох хүсэлдээ хөтлөгдөн хууль журам, тогтсон ёс зүйг умартан хар арьст гэрийн үйлчлэгч нартай нөхөрлөн тэдний дуу хоолойг олонд хүргэхийн төлөө хэрхэн тэмцэж байгааг харуулна.

Pride and Prejudice( 2005)

Гол дүрийн эмэгтэй бол ухаалаг, өөрийн гэсэн бодолтой нэгэн юм. Эцэг эх нь охидыгоо өсөж том болохын хэрээр тэднийг хөрөнгөлөг, угсаа гарал сайтай, боловсон эрчүүдтэй гэрлүүлэх хүсэл тээдэг. Гэвч Elizabeth чин сэтгэлээсээ дурлах нэгнийг хүлээн эцэг эхийнхээ хүслийг дагахаас татгалзана.

Joy (2015)

“Ingenious Designs” компанийн үүсгэн байгуулагч ,1990-ээд онд ганц бие ээжээс саятан болж чадсан Joy Mangano-ийн тухай киноноос таны ойлгох олон зүйлсийн нэгээхэн хэсэг билээ.Энэхүү кино нь маш олон ганц бие ээжүүдэд урам зориг өгч байжээ.

Juno(2007)

Өсвөр насны 16 настай охин жирэмсэн болсноор залуу ээж байх хүндхэн шалгууруудтай хэрхэн нүүр тулж байгаа хөгжилтэйгөөр харуулсан инээдмийн кино юм.