Сонгино хайрхан дүүргийн нэгдүгээр хорооны  иргэд автобусны  дулаан зогсоолтой болжээ. Тиймээс энэхүү ажлыг хийж гүйцэтгэсэн Гүнгэрваа ХХК-ны гүйцэтгэх захирал Б.Ариунболдоос тодрууллаа.

-Яагаад дулаан автобусны буудал барихаар болсон бэ?

          -Гүнгэрваа ХХК нийгмийн хариуцлагын  хүрээнд  дулаан автобусны буудлыг барьсан.

-Улсаас санхүүжилт орсон уу. Хэдэн төгрөгөөр баригдсан бэ?

          -Улсаас төсөв аваагүй манай байгуулга өөрсдийн хөрөнгөөр барьсан. Нийт зардалд 18 сая төгрөг зарцуулсан.

-Яагаад Сонгино хайрхан дүүргийн нэгдүгээр хороог сонгосон бэ?

         -Манай нэг салбартай ойрхон байдаг. Бас хороотой нь  хамтран ажиллахаар тохирсон юм. Бид бүтээн байгуулалтыг хийсэн. Цаашдын ашиглалт,цэвэрлэгээг тус хороо хариуцах болно.

-Дахиж өөр хороо, орон нутагт энэхүү ажлыг хийх үү?

   -Нэг удаагийн үйл ажиллагаа байсан. Тухайн үеийн нөхцөл байдлаас хамаарч захиалга авах эсэхээ шийднэ.