Суудлын автомашин цасанд суусныг татан гаргажээ. Тодруулбал, Төв аймгийн Баян сумын гуравдугаар багийн Хар толгой гэдэг газарт автомашин цасанд суусан гэсэн дуудлага, мэдээлэл Нийслэлийн Багахангай дүүргийн Онцгой байдлын хэлтэст иржээ. Дуудлагын дагуу  тус дүүргийн Онцгой байдлын хэлтсийн Гал түймэр унтраах, аврах 80 дугаар ангийн алба хаагчид тухайн газар очиход иргэн Х-ийн  “Тоёота Кровн” загварын суудлын автомашин цасанд суусан байсныг татан гаргасан байна.