Сонгинохайрхан дүүргийн 11 дүгээр хорооны нутаг дэвсгэрээс гаднын нөлөөтэй нас барсан 51 настай эрэгтэйн цогцос олджээ. Тодруулбал, амь хохирогчийг 64 настай эрэгтэй Э гэгч нь хутгалж, амийг нь хөнөөгөөд, хэргийн газраас зугтсан байсныг цагдаагийн алба хаагчид тогтоож, өнгөрсөн шөнө яаралтай эрэн сурвалжилж, саатуулсан байна.

    Мөн өчигдөр Хан-Уул дүүргийн нутаг дэвсгэр “Дрийм плаза” хотхонд хүн өөрийгөө хутгалсан байна гэх дуудлага, мэдээлэл бүртгэгджээ.  Дуудлагын дагуу тус хэргийг шалгахад 32 настай эрэгтэй С гэгч талийгаачтай архидан согтуурсан үедээ муудалцаж, амийг нь хохироож,  хэргээ нуун далдлахыг завдсан байжээ.