Бид технологийн хөгжлөөр хөтлөгдөж буй нийгэмд амьдарч байна. Өдөр тутмын хэрэглээндээ хэвшүүлж, цаг хугацаагаа хэмнэх боломжийг бүрдүүлсэн дараах найман аппликейшныг уншигч танд танилцуулж байна. 

GOOGLE KEEP

Тэмдэглэл бичиж, бусадтай хуваалцаж болох цахим санах ой юм. Энэ аппликейшныг ашигласнаар та өөрийн цагийг хэмнэх боломжийг бүдрүүлнэ. Учир нь, зөвхөн тэмдэглэл хөтлөх бус зураг, аудио, хуанли зэрэг шаардлагатай бүгдийг цогцоор нь багтаасан гэдгээрээ ялгардаг.

ZENLY

Таны найз нөхөд, гэр бүлийнхний газрын зураг гэж ойлгож болно. Та энэхүү аппликейшныг ашиглаж өөрийн эргэн тойрны, хүмүүсийн байршлыг харах боломж бүрдэх юм.  Цаг алдах шаардлагагүй. Хаяг байршлыг тодорхой харуулдаг учир олоход хялбар болгож буй гэдгээрээ онцлог.

BBC LEARNING ENGLISH

Англи хэлээ сайжруулах хүсэлтэй залуусын өдөр тутмын бяцхан хөтөч.  Интернет орчинд идэвхтэй ашиглаж болох англи хэл дээрх цахим сурах бичиг. Хэлний мэдлэгээ нэмэгдүүлэхийг хүсвэл  хэзээ ч, хаанаас ч хэрэглэх боломжтой. Тодорхой дэд сэдвүүдээс нэгийг нь сонгоод, аудио болон текстээр уншиж, сонсож болдог. Мөн дуудлага, сонсох чадварыг давхар хөгжүүлдэг учраас мэргэжлийн багш нар өдөр тутамдаа ашиглахыг зөвлөдөг.

CAP CUT

Гар утсаа ашиглан богино хэмжээний бичлэг эвлүүлэхэд зориулсан аппликейшн. Үүнийг ашиглан өөрийн хүссэн бичлэгийг хялбар аргаар хийх боломжтой. Тохиргоонууд нь энгийн, ойлгомжтой байдаг учир цаг алдах шаардлагагүй. Мөн бичлэг эвлүүлсний дараагаар ямар нэгэн тэмдэг, лого байдаггүй. Албан хэрэгцээнд өдөр тутамдаа ашиглаж болно. Уг  аппликейшн-д бэлэн загвар, дизайн байдаг учраас та богино хэмжээний бичлэгийг заавал мэргэжлийн хүнээр бус өөрөө хийх боломжтой.

СANVA

Товч мэдээллийг багтаасан постер хийхэд зориулсан аппликейшн. Та энэ аппликейшныг  ашиглан хүссэн загвараар постер хийж болно. Ингэхдээ бэлэн дизайнд нийцүүлэн нэмэлт дүрсийг ашиглаж болдог. Үүний давуу тал нь хэмжээ, үсгийн фонт, зураг, лого зэргийг стандартын дагуу байршуулдаг учир яг л мэргэжлийн юм шиг постерийг бүтээх боломжтой.

INFOGRAM

Хэрэглэхэд хялбар инфографик, график бүтээгч юм. Өвөрмөц, сонирхолтой инфографик, онлайн тайлан, интерактив газрын зураг зэргийг хийх зориулалттай. Замбараагүй олон тоо баримтыг ойлгомжтойгоор хүнд хүргэх нууц бол ердөө энэ. Зөвхөн инфографик, графикаар хязгаарлагдахгүйгээр онлайн сэтгүүл, тайлан зэрэг бүхий л мэдээллийг нэгтгэх чадалтай гэдгээрээ өвөрмөц.