МУИС-ийн Хууль зүйн сургуулиас бусдын толгой дээр халуун кофе асгаж зөрчил гаргасан сургуулиас хасах эсэх талаар мэдээлэл хийлээ.

  Энэ үеэр тус сургуулийн зөвлөх, профессор С.Нарангэрэл “Монгол Улсын дээд боловсролын тухай хуулийн зургаагийн хоёрдугаар зүйлд, тухайн оюутан, суралцагч нь сургуулийн дотоод дүрэм журамд заасан үүргийг биелүүлнэ. Мөн дээд боловсролын тухай хуулийн 45.2-т сургуулийн дотоод журмыг хүндэтгэн сахина гэж заасан байдаг. Харин МУИС-ийн дүрэмд, суралцагч нь ёс зүй, эерэг зан үйлийг чандлан сахих, эрдмийн нэр хүндийг хүндэтгэх үүрэгтэй гэж заасан. Энэ бүх заалтыг тухайн оюутан зөрчсөн.  Бид ийм нэр, хаяг авч байгаа  залууст бид эрхзүйчийн дипломыг  нь өгөөд, Монголын хувь заяаг шавь маань шийднэ гэж итгэх бидний итгэл алдагдсан. Энэ бол хүний ёс суртахууны тухай, тэр тусмаа ирээдүйн хуульч болох хүний тухай асуудал яригдаж байна. Цаашид энэ тохиолдлоос сургамж авч, оюутнууддаа хуулчийн ёс зүйд анхаарч, ёс зүйн боловсрол  хэрхэн олгоход тусгайлсан арга хэмжээ авахыг үүрэг болгож байна” гэв.