Өмгөөлөгч Г.Батбаярын охин А энэ сарын 1-нд бусдын толгой дээр кофе асгаж, түүнийгээ үл тоомсорлосны улмаас сургуулиасаа хөөгдөхөөр яригдаж байгаа. Мөн түүний ёс зүйгүй үйлдлээс болж аавынх нь өмгөөлөх эрхийг хасаж байгаа мэт буруу ташаа мэдээлэл олон нийтийн сүлжээнд цацагдсан. Үүнтэй холбоотойгоор Монголын Өмгөөлөгчдийн холбооноос мэдэгдэл гаргасан байна. Үүнд “Ганхүүгийн Батбаярын Хуульчийн мэргэжлийн үйл ажиллагаа эрхлэх зөвшөөрлийг Монголын Хуульчдын Холбооны 2019 оны арванхоёрдугаар сарын 16-ны өдрийн 35 тоот тогтоол, УДШ-ийн 2020 оны есдүгээр сарын 14-ний өдрийн 324 тоот тогтоолоор хүчингүй болгосон. Дээрх тогтоолыг үндэслэн Монголын Өмгөөлөгчдийн Холбооны Ерөнхийлөгчийн 2021 оны тавдугаар сарын 3-ны өдрийн А/52 дугаар тушаалаар Г.Батбаярын Өмгөөллийн үйл ажиллагаа эрхлэх эрхийг хүчингүй болгосныг үүгээр мэдэгдэж байна” гэжээ.