МУИС-ийн Хууль зүйн сургуулиас мэдээлэл хийлээ. Энэ үеэр тус сургуулийн захирал Б.Амарсанаа “Бид захиргааны зөвлөлийн хурлаар багш нартайгаа хамтран асуудлыг нэлээд ул суурьтай авч, ярилцлаа. Ингэхдээ Хууль зүйн сургуулиас МУИС-ийн захиргаанд тухайн оюутныг сургуулиас хасах саналыг хүргүүлж байна. Учир нь, энэ бол хүмүүнлэг ёсны харилцааны наад захын хэм хэмжээг бүдүүлгээр, ноцтой зөрчсөн учир сургуулиасаа хасах саналыг МУИС-ийн захиргаанд хүргүүлж байна. Мөн зөвхөн энэ удаагийн тохиолдлоор хязгаарлагдахгүйгээр,  хуучин оюутнуудад ордог байсан "Ёс суртахуун ерөнхий удирдлага" гэсэн хичээлийг сэргээн оруулах талаар ярилцлаа. Цаашид хуулийн ангийн оюутнууддаа тавих ёс суртахууны шаардлагыг хэрхэн чангатгаж, сайжруулахыг мөн ярилцлаа" гэв.