Хоёрдугаар сарын 23-нд Өвөрхангай аймгийн төвөөс 51 настай эмэгтэй сураггүй алга болсон тухай мэдээлсэн. Тус сураггүй болсон эмэгтэйг Өвөрхангай аймгийн Онцгой байдлын газрын эрэн хайх, аврах салбарын албан хаагчид  ар гэрийнхэнтэй нь хамтран эрэн хайх ажиллагааг зохион байгуулсан боловч тодорхой үр дүнд хүрээгүй.

  Тэгвэл өнгөрсөн шөнө  тус эмэгтэйн цогцос Арвайхээр сумын 12-р багаас олджээ. Одоогоор талийгаачийн нас барсан шалтгааныг тогтоохоор задлан шинжилгээнд оруулсан бөгөөд гаднаа ил харагдах гэмтэл шархгүй нас барсан байжээ. Хэргийг Өвөрхангай аймгийн цагдаагийн газар үргэлжлүүлэн шалгаж байна.