Эрүүгийн цагдаагийн албаны Зохион байгуулалттай гэмт хэрэгтэй тэмцэх албанаас нэгдүгээр сарын 6-наас хоёрдугаар сарын 28-ны хооронд нийслэлийн хэмжээнд хууль бусаар мөрийтэй тоглоом зохион байгуулсан 10 хэрэг илрүүлжээ.

          Хууль бусаар мөрийтэй тоглоом зохион байгуулсан хэргийн илрүүлж, шалгалт хийх үеэр таван автомат тоглоомын ширээ, 1745 ширхэг читон, 75 хөзөр, гурван компьютер, бэлнээр 19 сая 954 мянган төгрөгийг эд мөрийн баримт болгон улсын орлого болгохоор хураан авчээ. Мөн мөрийтэй тоглоом тоглосон 51 хүнд Зөрчлийн тухай хуулиар 5.1 сая төгрөгийн торгууль ногдуулсан байна.