Ардчилсан намаас цаг үеийн асуудлаар мэдээлэл хийж байна.

   Ардчилсан намын ерөнхий нарийн бичгийн дарга Ч.Өнөрбаяр “Монгол Улс хуучин үндэсний аюулгүй байдлын үзэл баримтлалаа эргэж харах хэрэгтэй гэж үзээд шинэчилсэн. Мөн тус үзэл баримтлалд нийцүүлээд гадаад бодлогын үзэл баримтлал гэсэн бодлогын баримт бичиг гарсан. Монгол Улс бол бусад улсаас хэд хэдэн зүйл дээр зарчмын ялгаатай. Манай улс  хоёр хөрштэйгөө газар нутгийн маргаан байхгүй. Монгол Улс дэлхийн бусад улстай энх тайвныг эрхэмлэсэн олон тулгуурт гадаад бодлогын зарчмыг маш тодорхой суулгасан. Бид тусгаар улс юм бол өөрийн гэсэн гадаад бодлоготой байх ёстой. Хүн төрөлхтний нийтлэг үнэт зүйл буюу хүний эрх чөлөө, дайнгүй байх, аливаа асуудлыг хүчирхийлэлгүй шийдэх энэ бүхэн хүний эрхийн нийтлэг үнэт зүйлд ордог. Дэлхийн улс орнууд нэгнээсээ харилцаа хамааралтай байдаг. Гадаад бодлогын үзэл баримтлал бичиг, үндэсний аюулгүй байдлын үзэл баримтлал гэсэн баримт бичиг бол дарга нарын хадгалж байдаг, гадаад харилцааны яамд хадгалагддаг, хааяа сөрж хардаг тийм баримт бичиг биш. Энэ баримт бичгийг удирдлага болгоод үйл ажиллагаа явуулах ёстой. Монгол Улсын Ерөнхийлөгч энэ асуудал дээр  аюулгүйн зөвлөлийг өргөтгөж хуралдуулах ёстой. Хилийн чанадад байгаа иргэдээ авах нь Засгийн газрын нэн тэргүүнд хийх ёстой ажил юм” гэв.