Цагдаагийн байгууллагад гуравдугаар сарын 1-ний 03:00 цагийн орчимд нийслэлийн Баянгол дүүргийн VII  хорооны нутаг дэвсгэрт байрлах нэгэн цэнгээний газарт “Гар буу гаргаж ирээд айлган сүрдүүлж, танхайраад байна” гэж дуудлага иржээ. Дуудлагын дагуу Баянгол дүүргийн цагдаагийн II хэлтэс шалгалт явуулж, 32 настай эрэгтэй Э, 26 настай эрэгтэй Э нарыг Сонгинохайрхан дүүргийн нутаг дэвсгэрээс баривчилсан байна.

Тус хэрэгт холбогдсон 32 настай эрэгтэй Э өмнө нь дээрэмдэх, хүчиндэх, хүний аминд халдсан хэргээр хорих ял эдэлж байгаад 2021 оны есдүгээр сард суллагджээ. Харин 26 настай эрэгтэй Э нь эрхэлсэн тодорхой ажилгүй, өмнө нь мансууруулах бодистой холбоотой гэмт хэрэгт холбогдон шалгагдаж байсан талаар ЦЕГ-ын Хэвлэл, мэдээллийн төвөөс мэдээлэв.