Сураггүй болсон иргэнийг эрэн хайх ажиллагааг зогсоожээ. Тодруулбал, Өвөрхангай аймгийн Арвайхээр сумын Дэлгэрэх багт иргэн Г хоёрдугаар сарын 23-ны өдрийн 16:00 цагийн орчим аймгийн “өв барааны захын орчмоос сураггүй болсон тухай мэдээллийг хоёрдугаар сарын 24-ний өдрийн 17:45 цагт хүлээн авчээ.

  Тус аймгийн Онцгой байдлын газрын Эрэн хайх аврах салбарын алба хаагчид, ар гэрийнхэн иргэн 51 настай, эмэгтэй  Г-г хоёрдугаар сарын 26-ны өдрийн 10:00 цагаас эхлэн Арвайхээр сумаас баруун зүгт 30 км-т байрлах Тарагт сумын Өгөөмөр хайрхан, Дулаан хайрхан, Буга согоот, Цуян, Дулаан хошуу гэдэг газар хүртэл 57 км-ийн тойрогт эрэн хайх ажиллагааг зохион байгуулсан боловч үр дүнд хүрээгүй байна. Улмаар мөн өдрийн 19:00 цагт ар гэрийнх нь хүсэлтээр зогсоожээ.