Консулын захирлын үүрэг гүйцэтгэгч  Б.Болд Украин хотод байгаа иргэдийн талаар мэдээлэл өглөө. "Украины Харьков  хотод 18 оюутан, дөрвөн байнгын оршин суугч иргэн , Киев хотод 12 оюутан гурван байнгын оршин суугч байна.Кривой хотод хоёр оюутан байгаа.Харькав хотод байгаа оюутны хувьд дайн эхэлснээс хойш хорогдох байранд  байсан. Өнөөдөр авсан мэдээллээр зарим оюутан хорогдох байрнаас  оюутны байр болон бусад байранд очсон байна. Одоогоор харьцангуй нөхцөл байдал тогтвортой байна. Кривой хотод оршин суудаг хоёр оюутан оюутны байрандаа байгаа. Бусад хотуудад оршин сууж буй иргэд өөрсдийн гэрт байгаа. Мөн Львов хотод суралцдаг байсан нэг оюутан Украин хотод түр хугацаагаар зорчиж байсан гурван Монгол иргэний хамт өнөөдөр өглөө Польш Улсын хилээр нэвтэрсэн байна. Польш Улс дайнаас зугтаж байгаа иргэдийг өөрийн улсдаа 15 хоногийн хугацаанд  виз шаардалгүй нэвтрүүлнэ гэдгээ мэдэгдсэн. Энэ хүрээнд  Польш улсын хилээр нэвтрэх хүсэлтэй иргэдийнхээ жагсаалтыг хүргүүлсэн. Дөрвөн иргэнийг Варшавт очиход нь  манай улсын элчин сайдын яамнаас тосож аваад Монгол Улс руу татан авах үйл ажиллагааг явуулна. Өчигдөр засгийн газрын ээлжит бус хуралдаанаар Украин Улсад байгаа  иргэдийг татан авах болон бусад шаардлагатай ажилд зориулж  500 сая хүртэлх төгрөгийг зарцуулах шийдвэр гаргасан. Бидний зүгээс энэ сарын 26-27-ны өдрүүдэд 21 оюутнаа татан авахаар төлөвлөж байсан ч нислэгүүд цуцлагдсан. Тиймээс иргэдээ газраар татан авах хувилбар бий. Нөхцөл байдал намжтах хүртэл тус тусынхаа газарт байхыг зөвлөж байгаа" гэв.