Улаанбаатар төмөр зам, ачаат тээврийн албаны дарга Ц.Лувсан “Өнгөрсөн оны арван нэгдүгээр сарын 28-наас Монгол Улсаас Хятад Улс руу экспортод гардаг байсан тодорхой нэр төрлийн ачаа дээр Хятадаас хориг тавьж  хоногт зургаан галт тэрэг авахаар болсон.Одоогийн байдлаар арван галт тэрэг гарч байна. Энэ галт тэргэнд дамжин өнгөрөх ачаатай чингэлэг дөрөв бусад нь манай экспортын нүүрс, зэс гэсэн ачаа гарч байгаа. Хуримтлагдсан ачааг  зөөж дуусаж байна. Хоёрдугаар сарын 11-нээс хойш 1200 орчим вагон Хятадын талд 8500 тонн зэсийн баяжмалыг хүлээлгэж өгөөд байна. Хятад Улсын шаардлагын дагуу дээвэр нь задгай чингэлэгт ачсан нүүрс хүлээж авч байгаа. Монгол Улсад хэрэгтэй байгаа яаралтай оруулж ирэх ачааны жагсаалт гаргаж эхнээс нь барааг оруулж ирж байгаа. Өнөөдрийн  байдлаар  шатахуун Хятад Улсад ачигдаад наашаа гарсан гэсэн мэдээ ирээгүй.Шатахуун орж ирсэн тохиолдолд Улаанбаатар хот руу тээвэрлэх хүчин чадал хангалттай байгаа.” гэв.