Хөгжлийн банкны удирдлагууд мэдээлэл хийлээ.

   Энэ үеэр Хөгжлийн банкны гүйцэтгэх захирал Н.Мандуул “Хөгжлийн банкны зүгээс 2022 оны нэгдүгээр 20-ны өдөр шүүхэд өгсөн зээлдэгчдийн талаар танилцуулга хийсэн байгаа. Дараа нь нэгдүгээр сарын 31-нд нийт зээлдэг нарын болон үлдэгдэл зээл гэх зэрэг тодорхой мэдээллийг өөрийн цахим хуудастаа байршуулан олон нийтэд нээлттэйгээр мэдээлсэн. Үүнээс хойш манай банкинд удаашраад байсан муу зээлийн иргэн төлөлтөд тодорхой хэмжээний ахиц гарч байна. Өчигдрийн байдлаар Хөгжлийн банканд нийт 50 тэрбум төгрөгийн эргэн төлөлт  хийсэн байна.  Бид гэхдээ үүнд сэтгэл ханахгүй байна. Манай нийт муу зээлийн актив маань 1.8 орчим их наяд төгрөг дээр байгаа гэдгийг та бүхэн мэдэж байгаа байх. Өнгөрсөн сарын хугацаанд бид гүйцэтгэх захирлын тушаалаар муу зээлүүдэд  газар дээр нь барьцаа хөрөнгийн үнэлгээ зэрэг нэлээд хянан шалгалтын ажил хийж байна. Энэ ажил маань одоогийн байдлаар 75 орчим хувьтай явж байна. Сүүлийн тайлангууд маань ойрын өдрүүдэд эцэслэгдээд гарна.УИХ-ын дэд ажлын хэсэг Хөгжлийн банканд байрлан ажиллаж байна. Мөн нөгөө талаар Авлигатай тэмцэх газар болон Эрүүгийн цагдаагийн газартай хамтран ажиллаж, зээлийн, хувийн хэрэг зэрэг олон мэдээллийг бид гаргаж өгч, ажиллаж байна” гэв.