Оросын арми Украины 10 гаруй бүс нутаг руу дайралтаа энэ сарын 24-ны эхэлсэн. Нийслэл Киев хотын ойролцоох цэргийн штаб, нисэх онгоцны буудал бөмбөгдөлтөд өртсөн талаар олон улсын хэвлэлүүд мэдээллээд буй. Үүсээд байгаа нөхцөл байдалтай холбоотойгоор Монгол Улсаас Украин Улсад сурч байгаа оюутнуудын эцэг, эхчүүд ГХЯ буруу мэдээлэл өгч байгаад гомдолтой байгаа бөгөөд дараах тайлбарыг хийлээ.

Ар гэр: Миний хоёр дүү Украинд сурч байгаа. Өчигдөр засгийн газар хуралдаж байна гэхээр баярлаад нааштай хариу хүлээж байсан. Гэтэл өмнө нь хүүхдүүдийг авъя, эх орондоо татъя гэсэн болов ч ирээгүй. Тиймээс бид зардал мөнгийг гаргаад 27-ны өдөр авъя гэсэн” хэмээж байна. Нэгдүгээр бид зардал мөнгө хүсээгүй. Хоёрдугаар энэ сарын 27-нд авч ирнэ гээд байгаа нь ямар ч ор үндэсгүй шүү дээ. Ямар ч онгоц нисэх боломжгүйг нь мэдсээр байж хүн тайвшруулж байгаа юм шиг сонин яриад байна. Мөн өчигдөр хүүхдүүд маань Польш консул н.Болд гэдэг хүн рүү ярьсан юм билээ. Гэтэл битгий нэгнээ хөөрөгдөөд бай. Дайн болж байгаагаа нотлооч гээд өөдөөс нь инээгээд байсан гэж байгаа. Өчигдөр шөнө байрлаж байсан метроны буудлын ойролцоо бөмбөг унасан байна. Хүүхдүүдэд маань хоол хүнсгүй хэцүү байгаа.