Бид Украинд байгаа зарим оюутан болон иргэдийн ар гэрийнхэнтэй холбогдож нөхцөл байдлыг нь тодрууллаа.

   Украинд ажиллаж, амьдардаг иргэний ээж Б.Нинжин "Манай хүүгийн эхнэр Украин Улсын иргэн. Хүү маань тус улсад эхнэр хоёр хүүхдийн хамт ажиллаж, амьдардаг. Одоо тэнд нөхцөл байдал хүнд, хүү маань одоогоор метронд эхнэр, хүүхэдтэйгээ түр хоргодож  байгаа. Хүүхдүүд нь ханиад томуу хүрч, даарч хөрөөд, хоолой нь өвдөөд, адъяал нөмрөөд хонож байна гэнэ. Тэгээд хүүгээ, эхнэр хүүхэдтэй нь Монголдоо авчръя гэхээр Гадаад харилцааны яамнаас зөвхөн Монгол Улсын иргэнээ татна гэсэн журам гаргасан байна. Тэгэхээр эхнэр нь Украин улсын иргэн учраас хүү маань эхнэр, хүүхдээ орхиод Монголдоо ирж чадахгүй байна. Тиймээс энэ талаар өргөдөл бичээд, хүүгийнхээ бичиг баримтыг хавсарган Гадаад харилцааны яамд хандаж байна" гэв.