2022 оны хоёрдугаар сарын 22-ны 15:00 цагийн орчимд "Их тээвэр" ХХК-ийн ачилтын автомашины бэхэлгээ тасарч, улмаар ачигдаж явсан Toyota Prius-11 маркын автомашин нь замын хажуу руу орж, зогсоол дээр байсан нэг автомашиныг мөргөсөн осол гарсан. 

   Тэгвэл бид тухайн өдрийн ослын талаар мөргүүлсэн автомашины жолооч Б.Баттогтохтой холбогдож тодрууллаа. Тэрбээр “Машинаа ажлынхаа үүдэнд тавьсан байсан. Гэтэл тус ачилтын компанийн машин Чулуун овооны тойрог дээр тээврийн хэрэгсэл зөөж шилжүүлэх явцдаа бэхэлгээ нь тасарч, ачиж явсан машин нь замаас гарч, миний машиныг мөргөсөн. Тус машин нь зөрчил гаргаад журамлагдсан байсан юм билээ. Тэгээд гарсан ослыг газар дээр нь цагдаа дуудан шалгуусан. Ослоос гарсан бүх хохирлыг "Их тээвэр" ХХК-наас гаргасан. Нийтдээ гурван машины хохирол болох 2.2 сая төгрөгийг барагдуулсан. Миний мишны хувьд 800 мянган төгрөгийн хохирол гарсан. Хамгийн их эвдэрч, хохирсон нь ачиж явсан машин байсан" гэв.