Байгаль орчин аялал жуулчлалын сайд Б.Бат-эрдэнэ сэтгүүлчдэд байгаль орчны цаг үеийн асуудлаар мэдээлэл өглөө.

   Тэрбээр “Дэлхийн дулаарал уур амьсгалын өөрчлөлт, орчны бохирдлын доройтол байгалийн нөөцийн хий ашиглалт үрэлгэн хэрэглээ зэрэг нь эко системийн тэнцвэргүй байдалд  хүргэж  тогтвортой хөгжлийн томоохон зорилт болж байна. Тиймээс байгаль орчны тэнцвэрийг хадгалж уур амьсгалын өөрчлөлтийг сааруулах дасан зохицох хүрээлэн буй орчны доройтлыг бууруулах эко системийг  хамгаалах  нөхөн сэргээхэд  чиглэсэн  төрийн тууштай бодлого үйл ажиллагаа туйлын чухал байна. Улсын Их Хурлын 2020 оны 52-р тогтоолоор "Алсын хараа 2050" урт хугацааны хугацааны хөгжлийн бодлогыг баталж тогтвортой хөгжлийн үндсийг тодорхойлсон. Монгол Улсын тогтвортой хөгжлийг хангахад усны нөөцийг хамгаалж зохистой ашиглах, нөхөн сэргээх болон байгаль түүх, соёлын өвд түшиглэсэн аялал зуучлалыг хөгжүүлэх  чухал байр суурийг эзэлдэг. Тиймээс та бидний өнөөдөр хэлэлцэж буй Хөвсгөл нуурыг хамгаалах асуудал нь тогтвортой хөгжлийг хангах хүчин зүйл болно. Хөвсгөл нуурын эко системтийг хамгаалж нуур орчмын тогтвортой аялал зуучлалыг хөгжүүлэх, иргэдийн тогтвортой амьжиргааг дэмжих орон нутгийн хөгжлийг шинэ түвшинд хүргэх зэрэг олон асуудлыг шийдвэрлэх шаардлагатай байна.

   Монгол Улсын Засгийн газрын 2020-2024 он хүртэлх үйл ажиллагааны хөтөлбөрт усны нөөцийн бохирдол хомсдолоос сэргийлэх, Хөвсгөл нуурын эко системийг бохирдлын судалгаа хийж нуурт живсэн машин техникийг татаж гаргах, байгалийн унаган төрхөө хадгалсан өргөн уудам нутаг нүүдэлчдийн соёл уламжлал агуу түүхийг  олон улсын аялал  жуулчлалын зах зээлд таниулах, аялал жуулчлалын  бүтээгдэхүүн үйлчилгээ чанар стандартыг сайжруулж өрсөлдөх чадварыг дээшлүүлэх уламжлах, уламжлал соёлын онцлогт тохирсон аялал жуулчлалыг хөгжүүлэх зэрэг томоохон зорилтыг хэрэгжүүлж эхлээд байна. Хөвсгөл нуур нь цэнгэг тунгалгаараа алдартай онгон зэрлэг төрхөө хадгалж үлдсэн үзэсгэлэнт байгальтай гадаад дотоодын жуулчид олноор зорчдог Монгол Улсын аялал жуулчлалын гол бүс нутаг юм.Сүүлийн 20-иод жилд Хөвсгөл нууран орчимд замбараагүй газар олголт хийгдэж, нуурын эргэн тойронд аялал жуулчлалын баазын тоо эрс нэмэгдэж стандартыг зөрчиж хэт төвлөрч нуурыг их хэмжээгээр бохирдуулах эрсдэлийг бий болгоод байна. Хөвсгөл нуурын орчимд орон нутгаас зөвшөөрөлгүй газар олголт хийх талбайн хэтрэлттэй давхцалтай усны сан бүхий газрын дэглэмийг зөрчсөн нуурт бохир усыг шууд хаясан завь усан тээврээс нуур бохирдуулах зэрэг зөрчлүүд ихээхэн гарлаа.

   Монгол Улсын ерөнхийлөгч У.Хүрэлсүх Монгол Улсын ерөнхий сайдаар ажиллаж байх үедээ 2020 онд 117-р захирамжаар Хөвсгөл нуурын бохирдлын бууруулах талаар  авах арга хэмжээг хэрэгжүүлэх ажлын хэсэг байгуулж шаардлагатай хөрөнгө санхүүжилтийн асуудлыг шуурхай шийдвэрлэж ажилссаны үр дүнд Сүхбаатар хөлөг онгоцыг татан гаргах ажлыг  амжилттай зохин байгуулаад байна. Засгийн газрын үйл ажиллагааны хөтөлбөрт туссан зорилтын хүрээнд нуурт живсэн бүх машин техникийг  2024 он гэхэд татан гаргах ажлыг хэрэгжүүлэх болно. Хөвсгөл нуурын эко системийг хамгаалах цаашид хүрээлэн буй орчинд ээлтэй  тогтвортой аялал жуулчлалыг хөгжүүлж стандартын шаардлага хангаагүй иргэн хуулийн этгээдэд  газар эзэмшүүлэх ашиглуулах шийдвэрийг  гаргахгүй байх чиглэлийг баримтлах  болно. Хөвсгөл нуурыг дэлхийн өвд бүртгүүлэх талаар судалгааны ажлыг  хийх тусгай хамгаалалтай газрын  дотоод бүсжилд шинэчлэн тогтоох  Хөвсгөл нуур орчимд аялал жуулчлалыг хөгжүүлэх цогц  төлөвлөгөө хэрэгжилтийг  эрчимжүүлж ажиллана. Эдгээр зорилт арга хэмжээг үр дүнтэй хэрэгжүүлэхэд чуулганд оролцож буй та бүхний санал санаачилга, манлайлал хамтын ажиллагаа туйлын чухал юм.

  Энэхүү чуулганыг санаачилсан Монгол Улсын Ерөнхийлөгч танд чуулганд оролцогчдын нэрийн өмнөөс талархал илэрхийлж байна. Эх орон байгаль дэлхий уул ус гол мөрөн нуур ан амьтнаа хамгаалах ажлыг чин сэтгэлээсээ дэмждэг Ерөнхийлөгч танд нийт байгаль хамгаалагчдынхаа нэрийн өмнөөс баярлаж талархсан аа дахин илэрхийлье. Хөвсгөл нуурын онгон дагшин байдлыг хадгалж хамгаалах чиглэлийн талаар ажил хэрэгч санал санаачилгууд гарна гэдэгт итгэлтэй байна. Чуулганаас гарах зөвлөмжийг хэрэгжүүлэхэд та бүхэнтэй хамран ажиллахад бэлэн байна. Чуулганы үйл ажиллагаанд амжилт хүсье” гэв.