"Бээжин-2022" олимпын наадамд манай улсын тамирчин Б.Ачбадрах гүйлтийн цанын төрлөөр оролцож, 65 дугаар байр эзэлсэн билээ.

   Өвлийн олимпын нээлтийн үеэр түүний өмссөн дээл, малгайг Олон Улсын Олимпын хорооны музейд авах хүсэлт тавьсан юм. Тэгвэл тэрбээр энэхүү хүсэлтийг хүлээн авч, эх орондоо ирэхийн өмнө дээл, малгайгаа тус музейн төлөөлөгчид хүлээлгэн өгчээ. Олимпын наадамд оролцсон Монголын тамирчдын хувцсыг үндэсний үйлдвэрлэгч Michel & Amazonka компани урласан байна.