Монгол Оркестр ХХК-наас zangia.mn ажлын байрны зар байршуулах сайтад “Захирлын туслах ажилд авна” гэсэн зар оруулахдаа  “Ковидын бус төгсөгч авна” гэсэн шаардлагыг тавьжээ. Энэ нь хүний эрхийг зөрчиж байгаа талаар сошиал орчинд шүүмжлээд буй. Тэгвэл тус зарын талаар бид Монгол Оркестр ХХК-ийн ажилтнаас тодрууллаа. Тэрбээр “Цар тахалтай сүүлийн хоёр жилийн хугацаанд төгссөн шинэ залуу төгсөгч биш, ажлын туршлагатай 24-30 насны хүмүүсийг ажилд авна гэсэн үүднээс “Ковид бус төгсөгч” гэж оруулсан” гэв.