Олон улсын жүдо бөхийн холбооны цуврал  тэмцээн “Тель-Авив-2022” их дуулга энэ сарын 17-19-ны  хооронд амжилттай болж өндөрлөлөө. Тус тэмцээнээс Монголын жүдо бөхийн холбооны баг тамирчид гурван хүрэл медаль хүртэж, багийн дүнгээр 34 улсаас 18-д бичигдэж тэмцээнээ өндөрлүүллээ.

  Тель-Авив-2022” их дуулга тэмцээнд эмэгтэйчүүдийн  -48кг-ын жинд олон улсын хэмжээний мастер Б.Баасанхүү хүрэл медаль, эрэгтэйчүүдийн -60 кг-д “Хангарьд” спорт клубийн тамирчин, олон улсын хэмжээний мастер Б.Цогт-Очир хүрэл, -66 кг-ын жинд олон улсын хэмжээний мастер Г.Хэрлэн хүрэл медаль хүртлээ. Жүдочдын дараагийн тэмцээн IJF World Tour 2022 оны гуравдугаар сарын 25-27нд  Гүржийн нийслэл Тбилис хотноо зохион байгуулагдах юм.