Эрүүл мэндийн яамнаас коронавирусийн халдварын нөхцөл байдлын талаар мэдээлэл хийлээ. Өнгөрсөн 24 цагийн хугацаанд 488 хүнээс коронавирусийн халдвар илэрч, хоёр иргэн нас барсан байна. Коронавирусийн халдвар илэрсэн 488 хүний  274 нь Улаанбаатар хотынх, 214 нь орон нутгийн иргэн байжээ. Улсын хэмжээнд коронавирусийн халдварын улмаас 4631 хүн эмнэлэгт хэвтэн эмчлүүлж байна. Хэвтэн эмчлүүлж байгаа иргэдийн 1212 нь хөнгөн, 2921 нь хүндэвтэр, хүнд 453, нэн хүнд 45 хүн байгаа аж.